Qorrolli njofton për hapat e radhës në përzgjedhjen e gjyqtarëve të rinj të Kushtetueses, caktohen datat e testimit dhe intervistimit

Aktuale

Qorrolli njofton për hapat e radhës në përzgjedhjen e gjyqtarëve të rinj të Kushtetueses, caktohen datat e testimit dhe intervistimit

Nga: A.M. Më: 10 nëntor 2026 Në ora: 18:59
Vigan Qorrolli

Procesi i përzgjedhjes së gjyqtarëve të rinj të Gjykatës Kushtetuese të Republikës së Kosovës ka hyrë në një fazë tjetër, pas shqyrtimit të nominimeve të kandidatëve nga Komisioni i Posaçëm.

Kryetari i këtij komisioni, Vigan Qorrolli, ka bërë të ditur se gjatë mbledhjes së mbajtur sot, nën kryesimin e tij, janë shqyrtuar nominimet e kandidatëve, duke vlerësuar nëse ata i përmbushin kriteret e përcaktuara me Kushtetutë dhe ligj.

Pas këtij shqyrtimi, komisioni ka vendosur që kandidatët që plotësojnë kushtet e parapara të vazhdojnë në fazat e ardhshme të procesit.

Postim i plotë:

Vijon procesi i përzgjedhjes së gjyqtarëve të rinj të Gjykatës Kushtetuese të Republikës së Kosovës!

Sot, nën kryesimin tim, Komisioni i Posaçëm për Shqyrtimin e Kandidatëve për Emërim në Gjykatën Kushtetuese shqyrtoi nominimet e kandidatëve, duke vlerësuar përmbushjen e kritereve të përcaktuara me Kushtetutë dhe ligj.

Pas shqyrtimit, Komisioni vendosi që kandidatët të cilët përmbushin kushtet e parapara të vijojnë në fazat e mëtejshme të procesit të përzgjedhjes:

18 nëntor – Testimi me shkrim

27 nëntor – Intervistimi me gojë

Procesi i përzgjedhjes do të zhvillohet mbi parimet e ligjshmërisë, transparencës, paanshmërisë dhe meritokracisë, duke garantuar trajtim të barabartë për të gjithë kandidatët.

Pavarësia, integriteti profesional dhe besueshmëria e Gjykatës Kushtetuese janë vlera themelore për mbrojtjen e rendit kushtetues dhe forcimin e demokracisë në Republikën e Kosovës.

Sot mund të lexoni Shfletoni kopertinat