28 Nëntori: Prefektura Westchester - New York, ngriti Flamurin Kuq e zi

Amerika

28 Nëntori: Prefektura Westchester - New York, ngriti Flamurin Kuq e zi

Beqir SINA - New York Nga Beqir SINA - New York Më 26 nëntor 2021 Në ora: 06:54
Pamje nga vendi i ngjarjes

Më 28 Nëntor, të gjithë shqiptarët, në trojet e tyre dhe kudo jetojnë e punojnë nëpër botë, kremtojnë me krenari dhe emocion, Ditën e shpalljes së Pavarësisë së Shqipërisë nga perandoria turke.

Ndërkaq, më 28 nëntor të vitit 1912, Ismail Qemali ngriti flamurin kombëtar në Vlorë dhe shpalli pavarësinë e Shqipërisë.

Kjo ditë shënon pavarësinë e kombit shqiptar.

Ekzekutivi i kontesë Westchester County në New York, George Latimer, iu bashkua sot një grupi të anëtarëve të komunitetit shqiptar në këtë prefekturë, për të ngritur flamurin Shqiptar në shtizën e lart në parkun « Ridge Road Park » në Hartsdale.

Në këtë ceremoni mori pjesë edhe miku i shqiptarve David J. Tubiolo, Ligjvënës i Qarkut të Distriktit 14, i cili mbulon pjesë të Yonkers dhe Mount Vernon.

Me këtë rast Guvernatori Latimer, lëshoi një Proklamat, ku thuhet se « Nëntori është Muaji i Trashëgimisë Shqiptare, i cili feston Shpalljen e Pavarësisë së vendit të tij si një komb i lirë dhe sovran që daton në 28 nëntor 1912. »

Latimer, tha: “Ne duam të vëmë në pah me këtë ditë, kontributet e vëllezërve dhe motrave tona shqiptare jo vetëm për këtë komb, por për Westchester County. Është kaq e rëndësishme të njohim komunitetin tonë shqiptarë dhe t'i duartrokasim për atë që sjellin në Westchester County, një trashëgimi e pasur dhe e larmishme që na lidh të gjithëve. Ruajtja e identiteteve tona kulturore dhe etnike na ndihmon të gjithëve të bëhemi qytetarë më të mirë dhe kjo forcon edhe prefekturën tonë.”

Image
Pamje nga vendi i ngjarjes
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat