PAAC– Takim me ambasadorin e caktuar të SHBA-së në Kosovë, Jeffrey Hovenier në New York City

Amerika

PAAC– Takim me ambasadorin e caktuar të SHBA-së në Kosovë, Jeffrey Hovenier në New York City

Nga: Beqir SINA - New York City Më: 11 dhjetor 2021 Në ora: 07:12
Pamje nga takimi

Ambasadori i caktuar i SHBA-së në Kosovë, Jeffrey Hovenier, u prit në takimin me Grupin PAAC nga Nju Jorku në Vanderbild One në New York City.

Ky është takimi i parë me liderët e komunitetit, nga ambasadori i caktuar.

Në kuadër të takimeve me liderët e komunitetit shqiptar në SHBA , ambasadori i sapoemëruar amerikan në Kosovë Jeff Hovenier së bashku me zyrtaren e Departamentit të Shtetit në Washington Wendy Rejan patën takim konsultues me liderë të Kongresit Panshqiptar Amerikan (PAAC).

Me grupin e përfaqësuesve të Kongresit Panshqiptar Amerikan Ambasadori u takua në Vanderbild One në qendër të New York City. Të pranishëm ishin: Uk Lushi, Bleron Baraliu, Richard Lukaj, Dr. Eglantina Kica, Dr. Suljeman Çelaj, Ruzhdi Gjokaj dhe Musa Dakaj.

Pas bisedës së hapur dhe produktive të dy palët u pajtuan të vazhdojnë dialogun dhe bashkëpunimin për forcimin e lidhjes Kosovë-SHBA.

I ardhur nga një karrierë e gjatë në shërbimin e jashtëm në rajonin e Ballkanit, zoti Hovenier, i emëruar nga Presidenti Biden dhe i miratuar nga Senati, do t'i dorëzojë letrat kredenciale presidentes së Kosovës Osmani muajin e ardhshëm.

Në të gjitha takimet në New York, Ambasadori Hovenier me veprimtar të dalluar të komunitetit shqiptar, lider dhe përfaqësues të disa organizatave shqiptare, u trajtuan tema shqetësuese për Kosovën dhe popullin shqiptar.

Ambasadori i caktuar Hovenier në të gjitha takimet e New Yorkut më parë se të marrë letrat kredenciale javën e ardhshme në Kosovë, ka qenë i shoqëruar nga Wendy Rejan, Zyrtare e Desk-ut për Kosovën nga Departamenti i Shtetit Amerikan.

Image
Pamje nga takimi
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat