Emocionet e një rruge diturie: Në vend të një urimi për mjekun me origjinë nga Bujanoci Genti Memeti

Amerika

Emocionet e një rruge diturie: Në vend të një urimi për mjekun me origjinë nga Bujanoci Genti Memeti

Nga: Beqir Sina - New York Më: 6 prill 2022 Në ora: 16:40
Genti Memeti

(Bota Sot: 6 Prill 2022): Kur doja të bëja një portret të shkurtër të studentit të degës së stomatologjisë me origjinë nga Bujanoci dhe të arritjeve më shkoi në mendje një medim i vyer që kërkon të tregojë rëndësinë e diturisë në jetën e një njeriu apo dhe të mbarë shoqërisë.

“Rrënjët e diturisë janë mjaft të thella, po janë shumë të ëmbla frytet e saj".

Gent Memeti është student në vitin e dytë, në Fakultetin e Mjekësisë, dega e Stomatologjisë në Medëast në Glandel të Arizonës. Këto ditë ai merr pjesë në Organizatën e Stomatologëve Amerikanë ADAS në Capitol Hill në Washington.

Gent Memeti ecën në traditën profesionale të familjes së tij dhe me punën e tij, me zellin e studimeve të tij, kërkon që të dërgojë më lart këtë traditë.

Babai i tij, Adem Memeti, ka kryer stomatologjine në Timishuara te Rumanisë. Nëna e tij Evgjenije Daci Memeti, kur ka qenë studente e mjeksisë në Universitetin e Prishtinës, bashkë me babain e Gentit, emigruan në Amerikë. Me dashuri sakrificë po dhe me krenari prindërore, shkollojnë fëmijët në universitetet më të njohur amerikane. Edhe motra e Gentit, Eniana, vazhdon punën në degën e Stomatologjisë në Hjuston te Texasit.

Gent Memeti këto ditë ka qenë i zgjedhuri i universitetit që përfaqësoi me dinjitet aftësitë profesionale në kryeqytetin amerikan. Urojmë që mjeku i ardhshëm të kontribuojë edhe për vendlindjen e tij.

Jam i sigurt se në gëzimin e tij e të familjes së tij, i bashkohet edhe mbarë komuniteti I mjekëve të Luginës që shohin tek ai modelin e një studenti të pasionuar pas profesionit të tij human.

Image
Genti Memeti
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat