Kryeministri Kurti takoi profesionistët shqiptarë në Michigan, si pjesë e dialogut me mërgatën

Amerika

Kryeministri Kurti takoi profesionistët shqiptarë në Michigan, si pjesë e dialogut me mërgatën

Më: 17 maj 2022 Në ora: 18:52
Foto nga takimi

Në kuadër të vizitës në Michigan, në Shtetet e Bashkuara të Amerikës, si pjesë e dialogut me mërgatën, Kryeministri i Republikës së Kosovës, Albin Kurti, ka takuar bashkatdhetarët që punojnë në këtë shtet.

Kryeministri Kurti vlerësoi kontributin e mërgatës sonë në shtetet e Bashkuara të Amerikës për çështjen e Kosovës, për ndihmën në financimin e sistemit shëndetësor dhe arsimor në vitet e '90-ta, pasuar me luftën çlirimtare të vitit 1999 dhe me përpjekjet për rindërtim të pasluftës.

Duke vlerësuar rolin e mërgatës sonë, kryeministri theksoi se në programin qeverisës mërgata llogaritet si pjesë thelbësore e zhvillimit të qëndrueshëm të Republikës së Kosovës.

U bisedua për mundësitë dhe potencialin për zhvillim të partneritetit dhe thellimit të bashkëpunimit ndërmjet Qeverisë së Republikës së Kosovës, si dhe transferim të dijes dhe përvojës nga mërgata në Kosovë, gjë që synohet të arrihet nëpërmjet dialogut me mërgatën.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat