Kryeministri Albin Kurti dhe ministri i Shëndetësisë, Rifat Latifi, u pritën në takim nga drejtuesit e New York Medical College

Amerika

Kryeministri Albin Kurti dhe ministri i Shëndetësisë, Rifat Latifi, u pritën në takim nga drejtuesit e New York Medical College

Më: 22 maj 2022 Në ora: 22:54
Foto nga takimi

Kryeministri i Republikës së Kosovës, Albin Kurti, së bashku me ministrin e Shëndetësisë, dr.Rifat Latifi, gjatë vizitës në New York, u pritën në takim nga drejtuesit e New York Medical College, zëvendëspresidenti prof. dr. Salomon Amar, zëvendëspresidenti për Çështje Qeveritare, Robert Amler dhe zëvendëspresidenti i lartë, Michael Newman. 

Në takim u diskutuan mundësitë e bashkëpunimit në fusha të ndryshme të shëndetësisë.

Siç janë: menaxhimi i shëndetësisë dhe programet e shëndetit publik, arsimimi shëndetësor dhe trajnimi në fusha të ndryshme, si trauma dhe menaxhimi i katastrofave dhe emergjencave.

U bisedua edhe për mundësinë e shkollimit të studentëve nga Kosova në këtë kolegj dhe për zhvillimin e projekteve të përbashkëta në punën hulumtuese-shkencore e në bioteknikë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat