Qeveria i do sportistët vetëm kur fitojnë, reagon Rama

Atletika

Qeveria i do sportistët vetëm kur fitojnë, reagon Rama

Më: 24 gusht 2022 Në ora: 00:17
Rama gjatë pritjes së Luiza Gegës

Ashtu si pas çdo suksesi të ndonjë sportisti shqiptar në arenën Europiane apo Botërore, ku qeveria shqiptare i pret me ceremoni, e njëjta gjë ndodhi  së fundmi edhe me Luiza Gegën e cila u shpall kampione e Europës në garën 3,000 metra me pengesa në Mynih, madje kryeministri i puthi edhe duart.

Mirëpo siç dihet, shteti trandicionalisht ka bërë pak gjë ose asgjë për t’i plotësuar kushtet që këta sportistë të stërviten, madje edhe kur ata me forcat e tyre arrijnë suksese të tilla shpërblimi ka qenë qesharak.

Kryeministri i Shqipërisë Edi Rama i ka “nuhatur” këto komente dhe  ka bërë një reagim në “Twitter” ku i është përgjigjur kritikëve me një pyetje: “Si i bëhet kur vetë kampionia shprehet se situata ka ndryshuar?, shkruan ndër të tjera Rama.

Edi Rama në Twitter:

Si i bëhet kur s’duan t’ia dinë për faktet mbi çka është bërë,jo sot po prej kohësh tanimë për të mbështetur sportistët e kalibrit europian?Si i bëhet kur s’duan t’ia dinë as kur kampionia vetë thotë që gjithçka ka ndryshuar në mbështetje të saj? I bëhet si Luiza:Vrapo më shpejt!

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat