Adeleke: Ka qenë një vit vërtet i çuditshëm për mua

Atletika

Adeleke: Ka qenë një vit vërtet i çuditshëm për mua

Më: 29 shtator 2026 Në ora: 15:39
Rhasidat Adeleke

Rhasidat Adeleke ishte përgatitur për një vit të madh në vitin 2026, pasi në shkurt vendosi rekord kombëtar në garën e 300 metrave.

Por një dëmtim në fillim të sezonit në natyrë dukej se do t’i prishte planet për pjesën tjetër të vitit.

Tani që sezoni, i cili përfundoi shumë më mirë nga sa pritej, ka marrë fund, Adeleke ka folur për rëndësinë e këtij viti për të.

Ajo tha gjithashtu se ndihet jashtëzakonisht krenare që përfaqëson Irlandën dhe që mund të jetë një shembull për të tjerët, edhe pse vetë vazhdon të ketë idhujt e saj, si boksierja Katie Taylor.

“Ka qenë një vit vërtet i çuditshëm për mua.

Gjërat po shkonin shumë mirë dhe mendoja se ndoshta do të ishte sezoni më i mirë, por thjesht nuk munda ta mbaja trupin të shëndetshëm sepse po e shtyja në limite të reja”, tha Adeleke për “European Athletics”.

Megjithatë, ajo është shumë e lumtur që arriti ta përfundojë sezonin dhe të vendosë një rekord personal, diçka që nuk e mendonte më të mundur këtë vit.

“Jam shumë e lumtur që arrita ta përfundoj sezonin dhe të vrapoj një rekord personal. Nuk mendoja se do ta bëja këtë këtë sezon. Madje nuk mendoja se do të kualifikohesha për Kampionatin Evropian.

Prandaj, të shkoja atje dhe t'i tregoja vetes se ende kam potencialin për të qenë ndër më të mirat në botë, më dha gjithë sigurinë që më duhej”, Adeleke.

Sot mund të lexoni Shfletoni kopertinat