Boksieri nga Kosova me pasaportë gjermane, Erdogan Kadrija, ka qenë i pafat në meçin e mbrëmshëm pasi nuk ka arritur të marrë titullin e kampionit të Gjermanisë, në kategorinë kruzer.
Kadrija u mposht nga boksieri Roman Fress me nokaut, në një duel të zhvilluar në Magdeburg të shtunën.
Kadrija u godit fort në rundin e katërt dhe pas rrëzimit në tokë, gjyqtari nuk numëroi fare deri në 10 por e shpalli të përfunduar meçin.
Kjo ishte humbja e tretë e Kadrijës në karrierën profesionale.
Pos tri humbjeve, 34-vjeçari ka edhe 16 fitore.
