‘Do ta nokautoj dhe nuk do të çohet më’

Boksi

‘Do ta nokautoj dhe nuk do të çohet më’

Më: 6 tetor 2021 Në ora: 00:22
Deontay Wilder

Deontay Wilder e ka publikuar një video nga një intervistë e tij në rrjetet sociale duke treguar se si e sheh epilogun e rimeçit me Tyson Fury.

Të shtunë mbrëma (në orët e hershme të mëngjesit të ditës pasuese me kohën tonë) në Las Vegas zhvillohet trilogjia e shumëpritur e dy boksierëve të kategorisë së peshave të rënda, ndërsa në lojë është titulli i botës në WBC.

Meçi i parë mes tyre përfundoi baras, edhe pse amerikani e kishte rrëzuar dy herë britanikun. Dueli i dytë përfundoi me nokaut teknik në raundin e shtatë në favor të Furyt, pasi ekipi i Wilder e dorëzoi meçin, pasi Tyson e kishte rrëzuar dy herë Deontayn.

35-vjeçari e ka akuzuar 33-vjeçarin për mashtrim dhe ka përmendur arsye të shumta për humbjen e tij, ndërsa kësaj radhe thotë se do ta nokautojë dhe ai nuk do të ngritet më si herën e kaluar.

“E vizualizoj këtë meç vazhdimisht. Dhe për ta shkurtuar bisedën. Në fund e shoh duke e nokautuar. Ftohtë. Ai nuk do të çohet. Dhe unë do ta lë ashtu”, thotë Wilder në videon e publikuar.

Ndërsa në përshkrimin e publikimit shkruan: “Tashmë e dini se si do të shkojë ky meç. Natën e mirë fshatar cigan”. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat