Fury - Wilder, fitime të çmendura milionëshe

Boksi

Fury - Wilder, fitime të çmendura milionëshe

Më: 10 tetor 2021 Në ora: 12:40
Fury - Wilder, fitime të çmendura

Tyson Fury ka arritur ta fitojë trilogjinë ndaj Deontay Wilder në një meç të jashtëzakonshëm në Las Vegas.

Ka qenë një meç fantastik ku pati plot katër KO, dy për Fury dhe dy të tjera për Wilder.

Në fund Fury fitoi pasi në raundin e 11-të e nokautoi amerikanin i cili më nuk mund të ngritej.

Por kjo përballje i  ka sjellë edhe të ardhura rekorde dy boksierëve, pasi ata kanë fituar miliona dollar.

Boksieri britanik i kishte të garantuara 30 milionë dollarë (22 milionë funte, 26 milionë euro) dhe 60% të të ardhurave të paguara për shikime.

Ndërkohë, Wilder, që pësoi humbje i kishte të garantuara 20 milionë dollarë (15 milionë funte, 17 milionë euro) dhe 40% të parave që vijnë nga shikimet.

Kjo është shuma e madhe që boksierët kanë fituar nga tri përballjet që kanë pasur mes vete.

Sa fituan në luftimet e tyre të mëparshme?

Herën e parë që ata luftuan në vitin 2018, boksierëve thuhet se iu garantuan katër milionë dollarë (Wilder) dhe tre milionë dollarë (Tyson).

Në luftën e tyre të dytë në vitin 2020, të dy luftëtarëve iu garantuan një çantë prej pesë milionë dollarë plus një përqindje e fitimeve të paguara për shikim.

Të dy boksierët u kthyen në shtëpi me një shumë prej rreth 25 milionë dollarë pasi u shtuan aty edhe PPV.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat