Joshua e ka shfrytëzuar të drejtën për rimeç, por...

Boksi

Joshua e ka shfrytëzuar të drejtën për rimeç, por...

Më: 4 shkurt 2022 Në ora: 12:26
Joshua e ka shfrytëzuar të drejtën për rimeç, por...

Promotori i Tyson Furyt, Bob Arum, ka zbuluar se Anthony Joshua do të përballet me Oleksandr Usykun në qershor, në përpjekje për t’i rikthyer titujt e botës në kategorinë e rëndë për herë të dytë.

Joshua u mposht nga Usyk dhe i humbi titujt e botës në kategorinë e rëndë WBA, WBO dhe IBF në shtator.

Ajo ishte vetëm humbja e dytë e Joshuas në karrierë.

Joshua e ka shfrytëzuar të drejtën për rimeç me ukrainasin dhe, megjithëse mendohej se ai do të ndodhte në prill, Arum njoftoi se qershori është muaji i caktuar për këtë luftë.

“Ata do të luftojnë në qershor”, tha Arum për Joshuan dhe Usykun.

Kohë më parë, Joshua tha se vijon të ndihet i zemëruar me veten, pas humbjes kundër Oleksandr Usyk, por këmbënguli se ajo disfatë po e nxit çdo ditë për t’iu hakmarrë ukrainasit.

“Unë e di se mund të jem më i mirë se atë natë”, tha Joshua për BBC Sport në dhjetor.

“Është më e lehtë të thuash sesa ta bësh, por në zemër dhe në shpirt, në tru dhe në trup, ndiej vërtet se kam shumë për të dhënë”, shtoi britaniku.

“Jam i zemëruar. Zemërimi po rritet, por po më nxit çdo ditë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat