Aziz Salihu me profesion nuk është shkrimtar, por me grushtat e tij shënoi epokën e re të Kosovës

Boksi

Aziz Salihu me profesion nuk është shkrimtar, por me grushtat e tij shënoi epokën e re të Kosovës

Nga: Agim Vuniqi Më: 11 shkurt 2022 Në ora: 19:42
Aziz Salihu me profesion nuk është shkrimtar, por me grushtat e tij shënoi epokën e re të Kosovës

Aziz Salihu, një emër i njohur në sportin e Kosovës, më i njohuri, është dalluar për shkathtësitë luftarake, tekniken kulminante të goditjeve direkte në seri, pastaj aperkatet në trup, varësisht prej kundërshtarëve, mbi 500 meçe në ring, shumë medalje të fituara, me e dashura medalja e bronzit në Olimpiadën e organizuar në Los Angeles, në SHBA, ky është bilanci i një sportisti brilant. 

Boksi konsiderohej sport i burrave, ku masin fuqinë më të mirëet, sidomos ata në kategorinë super të rendë, në të cilën pjesëmarrësit dallohen jo vetëm për peshën mbi 91 kg, por edhe për goditjet e rënda rrënuese, që gjatë luftërave të ashpra në ring ndodhte jo rrallë, që boksierët të shtrihen në podium, që në gjuhen e boksit quhet "knockout". 

Azizi kishte krijuar emër në Svetozarevë. Në meçin e parë të tij në Prishtinë kishte përballë knockoutuesin Xhevdet Peci, ky ishte dueli i parë që përcolla në mes të dy boksierëve të talentuar shqiptarë, viganë.

Më vonë Azizi iu bashkangjit Klubit të Boksit Prishtina, ku arriti sukseset më të mëdha në karrierën e tij sportive.

Meçi edhe pse përfundojë baraz ishte në momentum kur simpatizuesit pranuan heroin sportiv më shumë dashamirësi dhe ovacione.

Më vonë fitoret u rreshtuan nën drejtimin e Lah Nimanit dhe Bruno Hrastinskit. Në një rreth me mentalitet konservativ, modestia e Azizit nuk çmohet, as karakteristikat e një “showmani” mbresëlënës sipas standardeve amerikane.

Ai është i pari që organizoi dhe shfaqi festivale ahengu dhe sporti nën qiellin e hapur, duke rikujtuar dhe falënderuar SHBA, NATO-n, Erdoganin, Adem Jasharin… për kontributin që dhanë në çlirimin e Kosovës. Sipas kutit kosovar Azizi është armik i vetvetes, sepse flet pa dro dhe haptas kritikon devijimet shoqërore pa hezitim. 

Ai njihet edhe si njeri ndër kontribuesit më të mëdhenj të zbutjes së dhi

mbjeve të dëbuarve, duke i ndihmuar materialisht dhe duke iu ofruar strehim gjatë luftës, ai ishte veteran i çlirimit të Kosovës. Rruga e tij e vështirë jetësore, e ka lënë atë dhe familjen e tij pa strehë, pa punë dhe pa të ardhura.

Ne mediat kosovare ka shumë keqkuptime, sepse Azizi është profesionalisht më i ngrituri në Kosovë, fal grushtave të tij si shputa e luanit, bëri emër dhe u respektua anë e mbanë rruzullit. Aziz Salihu me profesion nuk është shkrimtar, por me grushtat e tij shënoi epokën e re të Kosovës, ai rrëzoi boksierët më me renome të planetit tokë, duke krijuar famë dhe duke ngritur emrin e sportistit kosovar deri në zenit.

Ai nuk është shkrimtar, por shkruajti i pari dhe i vetmi historinë e lëvizjes Olimpike në Kosovë me shkronja të bronzit, ashtu siç ishte medalja e tij e fituar me 1984 ne Los Angeles.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat