Pacquiao - Mayweather, projektohet dueli i madh

Boksi

Pacquiao - Mayweather, projektohet dueli i madh

Më: 7 qershor 2022 Në ora: 21:54
Pacquiao - Mayweather, projektohet dueli i madh

Ishte një nga duelet më të mëdha në historinë e botës së boksit, si në aspektin sportiv, ashtu edhe në atë ekonomik. Dhe mund të përsëritet. Manny Pacquiao dëshiron të luftojë sërish kundër Floyd Mayweather Jr. Kështu deklaroi Sean Gibbons, kreu i MP Promotions. Gibbons thotë se dëshira e Pacquiaos për t’i vënë sërish dorezat është reale. Dhe ai do si rival “armikun e tij”.

Filipinasi mori pjesë në zgjedhjet presidenciale të vendit të tij, por nuk doli fitues. Tani ai është i gatshëm të kthehet në ring, pasi nuk e arriti objektivin në rrafshin politik.

“Senatori Pacquiao kërkon një tjetër ndeshje për ekspozitë kundër Mayweatherit. Nëse ai do të kthehet, do të ndodhë këtë vit,” – tha Gibbons për PlanetSport.

Mayweather ende nuk është prononcuar për këtë çështje, megjithëse promotori mendon se boksieri amerikan nuk është dakord me këtë ide të fundit.

“Do të doja ta shihja një duel të tillë, por Mayweather nuk dëshiron për shkak të egos së tij”, – tha fytyra e MP Promotions kur u pyet për palën tjetër.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat