Ndërron jetë boksieri që “grushtonte fantazmën”

Boksi

Ndërron jetë boksieri që “grushtonte fantazmën”

Më: 8 qershor 2022 Në ora: 16:45
Foto ilustrim

Boksieri i Afrikës së Jugut, Simiso Buthelezi, ka vdekur në spital pasi pësoi një lëndim në tru gjatë humbjes së tij për titull në Durban të dielën.

Gara e peshave të lehta përfundoi në mënyrë shqetësuese, vetëm pak çaste pasi dukej e sigurt se Buthelezi do të fitonte meçin.

Buthelezi u ndalua nga gjyqtari pasi filloi të gjuaj me grushte në ajër, duke luftuar me një kundërshtar të padukshëm pasi kundërshtari i tij, Siphesihle Mntungwa, u rrëzua nga litarët në raundin e 10-të dhe të fundit, përcjell KosovaPress.

Ndërsa Mntungwa u rikthye në këmbë në ring, iu bë e qartë se Buthelezi nuk ishte në kontroll të veprimeve të tij dhe për këtë arsye vendosi që mos ta grushtonte më atë.

Pasi gjyqtari e ndërpreu luftën, Buthelezi u dërgua në spital dhe fillimisht u fut në koma, por përmes një deklarate sot u konfirmua se boksieri i peshës së lehtë fatkeqësisht ka ndërruar jetë.

“Me pikëllim të madh për Boxing African Jugor dhe familjen Buthelezi njoftojnë ndarjen nga jeta të z.Simiso Buthelezi i cili ndërroi jetë mbrëmë më 7 qershor 2022 në spitalin e Durbanit”, shkruante në një komunikatë për media.

Ndërkaq, videon kur Buthelezi fillon të grushtojë “fantazmën” e gjeni më poshtë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat