Arnold Gjergjaj rikthehet me fitore, e nokauton Tomisllavin

Boksi

Arnold Gjergjaj rikthehet me fitore, e nokauton Tomisllavin

Më: 11 qershor 2022 Në ora: 11:26
Arnold Gjergjaj rikthehet me fitore, e nokauton Tomisllavin

Boksieri i njohur, Arnold Gjergjaj, u rikthye në ring pas tri vjetëve dhe regjistroi fitore.

Të premten mbrëma, boksieri nga Gjakova mposhti kroatin nga kategoria e peshave të rënda, Tomisllav Sentiq.

Meçi mes tyre ishte caktuar me gjashtë raunde, por nuk nevojiten të gjithë raundet.

Gjergjaj fitoi me “nok-aut” që në raundin e parë, meçi u zhvillua në Zvicër.

“Jam shumë mirënjohës që po rikthehem në ring pas 3 vjetësh. Pres me padurim kapitujt e ardhshëm. Dua të falënderoj të gjithë ata që më kanë mbështetur gjithmonë dhe të gjithë sponsorët e mi që më kanë shoqëruar në këtë rrugëtim”, tha 37-vjeçari pas fitores së arritur.

Kujtojmë se Arnold Gjergjaj në vitin 2014 kishte shkruar historinë, duke u bërë boksieri i parë me shtetësi zvicerane që e fiton titullin evropian EBU-EE në kategorinë e peshave të rënda.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat