Beterbiev unifikon titujt kampionë bote

Boksi

Beterbiev unifikon titujt kampionë bote

Më: 19 qershor 2022 Në ora: 11:17
Beterbiev unifikon titujt kampionë bote

Boksieri rus Artur Beterbiev bëhet kampion i padiskutueshëm i botës në peshën “light heavyweight” (pesha deri 93kg), pas fitores me “ko teknik” në raundin e dytë ndaj amerikanit Joe Smith Jr. Sfida mes dy boksierëve, të dy kampionë bote në këtë Divizion, u zhvillua në Nju Jork.

Një duel që zgjati më pak nga sa pritej, me Beterbiev që i mbylli llogaritë shumë shpejt, brenda dy randesh dhe qëndron i pamposhtur në karrierën e tij (18 fitore e asnjë humbje). Ndërsa për Smith kjo është humbja e katërt në karrierë, ku numëron edhe 28 fitore.

Beterbiev e dominoi sfidën që në momentet e para, duke mos i dhënë asnjë shans rivalit të tij të fitojë. Ai e hodhi tri herë në tapet Smith para se gjyqtari të ndalë sfidën në fundin e raundit të dytë. Pas kësaj sfide, rusi me nënshtetësi kanadeze mban të gjithë titujt e kësaj peshe.

Beterbiev mbron kështu titujt e kategorive WBC e IBF, ndërkohë që fitoi edhe atë të kategorisë WBO që mbahej nga amerikani. “Isha në një formë të shkëlqyer dhe e meritova këtë triumf. Rivali im ishte disi i hapur në mbrojtje dhe përfitova, duke e goditur disa herë”, tha 37-vjecari rus.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat