Tyson Fury mbylli trilogjinë ndaj Wilder me një barazim dhe dy fitore, por për të siguruar fitoren e dytë ai përjetoi një tmerr.
Fury pak javë para se të përballej me Wilder, u përball me Covid-19 dhe me probleme të tjera familjare.
“Kampi stërvitor që kisha për Wilder 3 ishte spitali dhe stërvitjet. Unë as nuk ushqehesha mirë”, ka thënë Fury.
“Një ditë po vrapoja jashtë me babain tim dhe s’mund të vrapoja as 1 kilometër. COVIDI po më shkatërronte gjoksin. Mezi frymoja”, ka shtuar ‘Gypsy King’.
Në të njëjtën kohë, vajza e sapolindur asokohe e Tyson Fury, Athena, kishte probleme me rrahjet e zemrës dhe ishte në kujdes intensiv.
