Latif Demolli, sekretar i përgjithshëm i Federatës së Boksit të Kosovës, i shpreh ngushëllime familjes së Aliriza Rexhepit dhe komunitetit të boksit.
Demolli është i pikëlluar thellë, për humbjen e kolegut dhe mikut të tij dashur.
Aliriza Rexhepi ka qenë prej gjyqtarëve më të mirë në boksin e Kosovës.
“Me dhimbje të thellë morëm lajmin për ikjen në amshim të kolegut tim, gjyqtari Aliriza Rexhepi.
Vdekja juaj na tronditi të gjithëve si komunitet i boksit dhe sportit në përgjithësi.
Aliriza Rexhepi kudo që ka referuar ka qenë shembull dhe frymëzim për gjeneratat e reja.
Një figurë e çmuar e sportit në tërësi, një kontribues i madh i boksit. Mbi 2 dekada me referim dhe në kohërat më të vështira, gjithmonë në shërbim të boksit dhe sportit.
Koleg i dashur, gjithmonë ishe udhërrëfyes për ne në ring, në shoqatë e gjyqtarëve të boksit, në shoqëri.
Sot mbetem pa një emër të spikatur të referimit por veprat e tij gjithmonë do të mbeten të shkruara me shkronja të arta.
Unë si koleg i tij, kisha nderin që shumë vite referuam së bashku në garat e ndryshme.
Veprimtaria juaj sportive gjithmonë do të jetë frymëzim për ne dhe për gjeneratat e ardhshme.
Ike papritur, pa e thënë lamtumirën e fundit.
U Prehsh në paqe kolegu im, miku dhe shoku im, të qoftë i lehtë dheu i Kosovës. I shprehi ngushëllime familjes, komunitetit të boksit, shoqatës së gjyqtarëve dhe komunës së Gjilanit”, shpreh ngushëllime Demolli.
