Një boksier me emër vjen për të sfiduar Nelson Hysën

Boksi

Një boksier me emër vjen për të sfiduar Nelson Hysën

Më: 13 nëntor 2022 Në ora: 11:44
Një boksier me emër vjen për të sfiduar Nelson Hysën

Një event i madh i boksit do të zhvillohet në pallatin e sportit “Ramazan Njala” në Durrës.

Ky event do të kulmojë me një përballje që pritet të ofrojë spektakël në ring.

Nelson Hysa do të masë forcat e tij me një boksier që ka bërë një karrierë të gjatë dhe të suksesshme në këtë sport. Bëhet fjalë për Denis Williams-in, që ndër të tjerë ka mposhtur edhe legjendën e boksit, Mike Tyson-it.

Të dy boksierët kanë qenë të pranishëm në konferencën për shtyp, ku të dy kanë shprehur dëshirën për të fituar. Nuk ka munguar as humori nga Nelson Hysa, që është shprehur: “Është rrahur me Tyson-in, jo me Nelsonin. Ta provojë me Nelsonin tani”.

Gjithashtu ka folur edhe Halim Abazi, i cili nuk i ka kursyer thumbimet.

“Për mua meriton respekt të madh. Ka guximin të përballet me boksierë të fortë. Jo si shumica e boksierëve shqiptarë, të cilët marrin shoferat e autobuzit dhe vijnë këtu shesin bileta”, është shprehur Halim Hysa.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat