Boksieri britanik Fabio Wardley deklaroi se po punon për përmirësimin e goditjes së tij “jab”, por shtimi i goditjeve me të majtën nuk do ta pengojë Daniel Dubois që t’ia mbyllë sërish syrin e djathtë. Wardley duhet të gjejë një kundërpërgjigje për “jab” e Dubois para se të shqetësohet për të shfaqur të tijin më 17 tetor në “O2 Arena” të Londrës.
“Duke marrë parasysh gjithçka që ka bërë dhe ka arritur Usyk falë përvojës së tij, nuk mund t’i shpërfillësh fjalët e tij,” tha Wardley, që shtoi: “Unë nuk jam Usyk. Nuk kam pasur trajnimin që ka pasur ai, as përvojën apo ndjesinë e kohës që zotëron ai. Unë po punoj për ‘jab’-in tim. Ju premtoj. Do të përpiqem të bëj më mirë në revansh”.
“Duhen bërë përshtatje, kam vërtetuar se mund të ndryshoj“, shtoi Wardley (20 fitore, 1 barazim e 1 humbje), që humbi me KO teknik në raundin e 11-të duelin e parë ndaj Dubois (23 fitore e 3 humbje) në maj të këtij viti, duke humbur edhe titullin kampion bote në peshën e rëndë në kategorinë WBO.
Usyk identifikoi një dobësi, por ëardley rrezikon ta konsiderojë goditjen e majtë (jab) si një zgjidhje të plotë.
Nëse nuk e korrigjon fillimisht qëndrimin dhe pozicionimin e tij në ring, hedhja e më shumë goditjeve të majta thjesht do ta mbajë atë drejtpërdrejt përballë goditjes që shkaktoi shembjen e tij fizike.