Ushtria kineze ka përdorur armë me mikrovalë për të detyruar trupat indiane të tërhiqen gjatë një konflikti kufitar disa mujor në Himalaje, njoftoi së fundmi London Times, duke cituar një raport të botuar në Pekin. Por, raporti, ndërkohë, është kthyer në një pikë tjetër grindjeje midis dy vendeve.
Me shpejtësinë e dritës
Forcat kineze i kanë shndërruar dy majat strategjike, të cilat ishin të okupuara nga ushtarët indianë, në një "furrë me mikrovalë", duke i detyruar ata të tërhiqeshin. Në këtë mënyrë, forcat e Pekinit mundën të zënë ato pozicione pa shkëmbyer zjarr konvencional, thotë Jin Canrong, profesor i marrëdhënieve ndërkombëtare në Universitetin Renmin në Pekin.
Fjala është për konfliktin midis dy fuqive bërthamore në rajonin Ladakh, ku kufiri nuk është përcaktuar pas luftës së vitit 1962 në të cilën Kina fitoi. Ka pasur disa herë tensione në zonë këtë verë dhe vjeshtë, duke kulmuar në një përplasje të ushtarëve të armatosur me shkopinj dhe rrahje, në të cilat u vranë 20 ushtarë indianë.
Nëse ky informacion është i saktë, do të ishte rasti i parë i përdorimit të armëve për të cilat është shkruar rreth dhjetë vjet më parë si një model për të zgjidhur çështjen e përdorimit të municionit: ajri shkarkohet nga një prej platformave lëvizëse me shpejtësinë e dritës. Depërton shumë cekët nën lëkurë dhe fillon të ngrohë ujin në trup, kështu që temperatura rritet shumë shpejt. Sipas të gjitha provave të njohura të kësaj arme, reagimi i të goditurit nga ajri është ikja. Kërkimet kanë treguar se, përveç sikletit ekstrem, nuk ka dëmtime të përhershme pas ekspozimit ndaj një sulmi, por disa ende sugjerojnë që ekspozimi i zgjatur mund të ketë efekte kancerogjene.
Profesori Yin tha se India kreu një sulm të befasishëm më 29 gusht kur vendosi një ekip ushtarësh tibetianë, të njohur për aftësitë alpinistike, për të zënë dy maja kritike në bregun jugor të liqenit Pangong Tso. "Në atë kohë, komanda perëndimore e [Ushtrisë nacionalçlirimtare] ishte nën presion të madh", citohet të ketë thënë profesori për The Times. “Këto dy maja janë shumë të rëndësishme, por i humbëm.
Komisioni Qendror Ushtarak ishte mjaft i zemëruar: 'Si mund të ishit kaq të pakujdesshëm sa të linit Indinë t'i merrte ato lartësi?'. Prandaj urdhëroi që ato të merreshin përsëri, por gjithashtu kërkoi që të mos shkprepej asnjë plumb pasi kjo do të shkelte marrëveshjen me Indinë. "Profesori deklaroi se vendosën të përdorin armë moderne sepse ushtarët kinezë, të ardhur nga fushat, nuk janë të aftë për operacione komplekse kaq të larta mbi det.
Gishtat e Murdochut
Pasi Times e publikoi tekstin, ushtria indiane reagoi duke pretenduar se është raport i rremë pa bazë. Dhe Indian Express, në një tekst në të cilin hedh poshtë shkrimin e The Times-it, pëkujtoi se një tezë e ngjashme ishte paraqitur nga e përditshmja The Australian. Të dy gazetat, sipas indianëve, janë në pronësi të Rupert Murdochut.
Nëse do të përdorej vërtet një armë directed-energy weapon (me energji të drejtuar), do të ishte një kthesdirected-energy weapon e madhe në konfliktin indo-kinez. Dhe kjo do të shpjegonte pse India vendosi të bëhet pjesë e Quad-i, një dialog katërkëndësh i sigurisë që është bërë një platformë për bashkëpunimin ushtarak. Përveç Indisë, anëtarë janë Shtetet e Bashkuara, Australia dhe Japonia. SHBA-ja dhe India nënshkruan një marrëveshje në 27 tetor për të shkëmbyer të dhëna të ndjeshme satelitore dhe harta, duke i dhënë New Delhit qasje në një sërë të dhënash topografike, detare dhe aeronautike të konsideruara jetësore për shënjestrimin e raketave dhe dronëve të armatosur.
Kjo do t'i japë Indisë një avantazh serioz strategjik mbi Kinën kur bëhet fjalë për përcaktimin e saktë të objektivave dhe shkëmbimin e informacionit në fushën e betejës. Edhe pse kjo është një marrëveshje e arritur gjatë administratës së Donald Trumpit, situata pothuajse me siguri nuk do të ndryshojë me ardhjen e Joe Bidenit. Ai ka biseduar me kryeministrin indian Narendra Modi më 18 nëntor dhe ka se thënë se është optimist për bashkëpunimin në të ardhmen.
Bideni ka një fushë të gjerë veprimi këtu sepse India ka mbështetjen e të dy palëve në Uashington, të cilat janë të bashkuara në nevojën për të frenuar kërcënimin që i paraqitet Paqësorit nga sjellja gjithnjë e më agresive e Kinës. Në bisedë, Biden përmendi pandeminë Covid-19, krizën e klimës dhe sigurinë rajonale si sfida të përbashkëta. Por New Delhi duhet të jetë i vetëdijshëm se administrata e re e ShBA-së do t'u kushtojë më shumë vëmendje vlerave si standardeve demokratike ashtu edhe standardeve të përgjithshme, siç janë të drejtat e njeriut. Modi nuk u dëshmua shumë në këtë. Bideni i tha Modit se donte të "forconte demokracinë brenda dhe jashtë vendit".
Por është mjaft e qartë se India po mbështetet në favor të zëvendës presidentes së parë të ShBA-së Kamala Harris, e cili është me origjinë indiane nga nëna. Duke ia uruar Bidenit fitoren më 8 nëntor, Modi theksoi se zgjedhja e nënkryetares së tij, Kamala Harris, ishte burim i "krenarisë së pamasë".
Kina, në përputhje me zhvillimin e marrëdhënieve Indi-ShBA, do të duhet ende të balancojë qasjen e saj sepse është e lehtë të bësh presion mbi New Delhin, i cili është ekonomikisht dhe ushtarakisht më i dobët. Por nëse Modi ka Shtetet e Bashkuara në anën e tij, atëherë edhe Japoninë e Australinë, atëherë do të nevojitet një qasje më e mençur. Sidomos nëse ShBA-ja përmirëson marrëdhëniet me Pakistanin.
