Rusia përpiqet të shantazhojë bashkësinë ndërkombëtare

Bota

Rusia përpiqet të shantazhojë bashkësinë ndërkombëtare

Më: 25 maj 2022 Në ora: 17:48
Foto ilustrim

Ministri i Jashtëm i Ukrainës Dmytro Kuleba ka thënë se Rusia po përpiqet të “shantazhojë” komunitetin ndërkombëtar duke rritur mundësinë e zhbllokimit të porteve të Detit të Zi në këmbim të lehtësimit të sanksioneve, raporton BBC, përcjell Bota sot.

Duke shkruar në Twitter ai shkroi "Çdo politikan apo zyrtar i huaj që mund të mendojë të pranojë këtë lojë, duhet së pari të vizitojë varret e fëmijëve të vrarë ukrainas dhe të flasë me prindërit e tyre".

Më herët agjencia e lajmeve Interfax citoi zëvendësministrin e Jashtëm rus Andrei Rudenko të thoshte se Moska është e gatshme të sigurojë një korridor humanitar për anijet që transportojnë ushqime që të largohen nga Ukraina, në këmbim të heqjes së disa sanksioneve.

Portet e Detit të Zi të Ukrainës janë bllokuar që nga fillimi i pushtimit rus që filloi më 24 shkurt. Më shumë se 20 milionë tonë drithë janë aktualisht të ngecur në kapanone në vend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat