Ukraina nuk ka përdorur sisteme të avancuara të raketave të artilerisë me lëvizshmëri të lartë të prodhuara nga SHBA (HIMARS) për të goditur objektivat ruse jashtë territorit të Ukrainës, sipas një zyrtari të lartë të mbrojtjes amerikane që kundërshton akuzat ruse, përcjell Bota sot.
“Pretendimet ruse për përdorimin e HIMARS për të goditur jashtë territorit ukrainas – këto pretendime janë të rreme”, citohet zyrtari nga agjencia e lajmeve Reuters, duke folur në kushte anonimiteti.
“Ukraina po i përdor ato aftësi për të luftuar betejën me të cilën po përballen forcat e saj dhe ato po i përdorin ato në mënyrë efektive në atë betejë”.