Avni Nuha edhe një mandat në krye të çiklizmit

Çiklizëm

Avni Nuha edhe një mandat në krye të çiklizmit

Më: 9 mars 2021 Në ora: 11:49
Avni Nuha edhe një mandat në krye të çiklizmit

Në kuvendin e punës dhe zgjedhor të mbajtur nga Federata e Çiklizmit e Kosovës, delegatët ia kanë besuar edhe një mandat tjetër presidentit aktual, Avni Nuha.

Nga 30 delegat, 27 ishin të pranishëm, prej të cilëve 25 votuan për Avni Nuhën dhe 2 abstenuan.

Pas punës voluminoze dhe me mjaft sukses, nga ndërkombëtarizimi, pjesëmarrja në Lojërat Olimpike për herë të parë, e deri te rritja e cilësisë dhe masovitetit, delegatët kanë vendosur me shumicë, që komunitetin e çiklizmit ta drejtojë edhe në një mandat tjetër presidenti Avni Nuha.

Duke i falënderuar për besimin, pas rizgjedhjes Nuha ka thënë se e vlerëson dhe respekton vullnetin e kuvendarëve, e kjo mbështetje e obligon për punë e reforma akoma më të mëdha.

Pas zgjedhjes së kryetarit u plotësuan edhe pozitat tjera, derisa FÇK, së shpejti do të publikojë albumin e plotë me fotot e Kuvendit të Punës dhe Zgjedhor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Më të lexuarat
Sot mund të lexoni Shfletoni kopertinat