Plasea fiton etapën e tretë

Çiklizëm

Plasea fiton etapën e tretë

Më: 3 qershor 2022 Në ora: 13:15
Plasea fiton etapën e tretë

Ylber Sefa, që garon për ngjyrat e kombëtares shqiptare të çiklizmit, vijon të jetë lider i edicionit nr.79 të Turit Çiklistik edhe pas etapës së tretë. Ai mban fanellën e verdhë, duke kontrolluar të gjithë rivalët e tij.

Etapa e tretë, Elbasan-Belsh-Kozarë-Vlorë, e gjatë 141km, u fitua nga çiklisti rumun, Valentin Plasea. Ai dha kohën 3h19’54”. Plasea fitoi me sprint garën me rivalët, ku në vendin e dytë u klasifikua çiklisti i kombëtares serbe Georgie Gjuric.

I treti doli një tjetër çiklisti rumun, Daniel Krista. Një tjetër çiklist shqiptar që po paraqitet mirë është Mikel Demiri, që mban fanellën e kryesuesit të malit dhe të çiklistit të ri më të mirë.

Turi i 79-të Çiklistik ka 5 etapa, ku ajo e katërt është Vlorë-Gjirokastër (130.8km e gjatë) dhe e pestë ajo Gjirokastër-Fier (160km e gjatë). Në Rrethin e 79-të Çiklistik të Shqipërisë marrin pjesë 12 skuadra, 3 shqiptare e 9 të huaja.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat