Klubi i Prodhuesve: Sektori i prodhimit të mos përfshihet në reduktimet e energjisë elektrike

Ekonomi

Klubi i Prodhuesve: Sektori i prodhimit të mos përfshihet në reduktimet e energjisë elektrike

Më: 23 dhjetor 2021 Në ora: 16:45
Ilustrim

Klubi i Prodhuesve të Kosovës ka shprehur shqetësimin e thellë lidhur me furnizimin me energji elektrike, duke thënë se nevojitet gjetja e alternativave tjera të cilat mundësojnë vazhdimin e punës për bizneset vendore.

Në një komunikatë për media thuhet se kriza elektro-energjetike është duke shkaktuar dëme dhe humbje të konsiderueshme te prodhuesit vendorë, të cilët po detyrohen të furnizohen me energji nga gjeneratorët, gjë e cila vetëm sa shton  shpenzimet, por rrezikon edhe humbjen e vendeve të punës.

“Kërkojmë nga institucionet vendore që të kenë parasysh gjendjen e brishtë të prodhuesve vendorë, dhe të ofrojnë zgjidhje që sektori i prodhimit të mos përfshihet në reduktimet e energjisë elektrike.

Ndërprerja e energjisë nuk është zgjidhje, ajo vetëm sa po vështirëson rrethanat dhe kushtet e sektorit të prodhimit, prandaj duhet të gjinden alternativa tjera të cilat mundësojnë vazhdimin e punës për bizneset vendore. Po ashtu duhet të kemi parasysh që bizneset një kohë të gjatë janë duke e ruajtur paqen sociale, ku edhe paguajnë tarifa shumë më të larta se konsumuesit familjar”, thuhet në komunikatë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat