Në media është raportuar se sasia e prodhimeve të Serbisë në tregun e Kosovës ka rënë për gati 37 për qind vitin e kaluar, në krahasim me vitin 2017, sipas të dhënave të cilat e Doganave të Kosovës.
Për bojkotimin e produkteve serbe është bërë thirrje vazhdimisht edhe pse nuk është ndalur importi nga Serbia në Kosovë.
Madje, sa ishte në qeveri Ramush Haradinaj gjatë vitit 2019, vendosi taksë 100% për produket serbe, e që sa ishte efektive kishte edhe pasoja prapa.
Por, pas më shumë se një viti, taksa është zëvendësuar me reciprocitet nga Qeveria e Kosovës, e që kryeministri ishte Albin Kurti.
Reciprociteti ka nënkuptuar që dokumentet përcjellëse të produkteve serbe, të lëshoheshin në përputhje me ligjet e Kosovës, gjë që ka nxitur reagime dhe kundërshtime nga Serbia.
Në media është raportuar se sasia e prodhimeve të Serbisë në tregun e Kosovës ka rënë për gati 37 për qind vitin e kaluar, në krahasim me vitin 2017, sipas të dhënave të cilat e Doganave të Kosovës.
Për bojkotimin e produkteve serbe është bërë thirrje vazhdimisht edhe pse nuk është ndalur importi nga Serbia në Kosovë.
Madje, sa ishte në qeveri Ramush Haradinaj gjatë vitit 2019, vendosi taksë 100% për produket serbe, e që sa ishte efektive kishte edhe pasoja prapa.
Por, pas më shumë se një viti, taksa është zëvendësuar me reciprocitet nga Qeveria e Kosovës, e që kryeministri ishte Albin Kurti.
Reciprociteti ka nënkuptuar që dokumentet përcjellëse të produkteve serbe, të lëshoheshin në përputhje me ligjet e Kosovës, gjë që ka nxitur reagime dhe kundërshtime nga Serbia.
Reciprociteti është hequr pas rreth 50 ditësh nga pasuesi i Kurtit në atë kohë, Avdullah Hoti.
Taksa dhe reciprocitet kanë bërë që prania e prodhimeve serbe në tregun e Kosovës të zvogëlohet gradualisht, ashtu si edhe kërkesa për to.
Limani: Masat e reciprocitetit, janë faktori kryesor që kanë ndikuar në rënien e eksportit të mallrave nga ky vend
Njohësi i çështjeve ekonomike Musa Limani në një përgjigje për “Bota sot” ka thënë se, reciprociteti ka ndikuar në rënien e mallrave nga Serbia.
Musa Limani
Ai madje thotë se faktori edhe më i rëndësishëm është bojkotimi i blerjes së mallrave me prejardhje gjeografike nga Serbia.
“S'ka dyshim se, masat e reciprocitetit, janë faktori kryesor që kanë ndikuar në rënien e eksportit të mallrave nga ky vend. Masa e reciprocitetit paraqet instrumentin më efikas në politikën e tregtisë së jashtme në Qeverinë Kurti, e cila më nuk zbatohej. Si masë tjeter e uljes së eksportit nga Serbia, do të ishte edhe më e fuqishme se reciprociteti, bojkotimi i blerjes së mallrave me prejardhje gjeografike nga Serbia. Mirëpo, kjo masë mund të zbatohet, vetem atëherë kur ngritet vetëdija e konsumatorit shqiptar”, ka thënë ai.
Sipas tij, rritja e eksportit nga vendet tjera, si Shqipëria e vendet e BE-së, ka bërë që të zvogëlohet eksporti nga Serbia.
“Po ashtu, rritja e eksportit nga Shqipëria, vendeve të BE, si dhe vendeve fqinja, pos tjerash, ka bërë që të zvogëlohet eksporti nga Serbia. Zvogëlimi i mëtejm i eksportit nga Serbia, mund të bëhet me orientim në tregje tjera, si me Tuqinë, Kroacinë, Slloveninë, Greqinë, e kryesisht rritjen e qarkullimit të mallrave me Shqiperinë dhe ngritjren e transaksioneve ekonomike me Shqipërnë në nivelin e Unionit ekonomik,që do të thotë të hiqen të gjitha barrierat administtative dhe të politikës fiskale në mes Kosoves dhe Shqiperisë në qarkullimin e mallrave, shërbimeve, kapitalit dhe fuqisë punëtore”, përfundon prof. Limani
Kadrijaj: Rënia e produkteve serbe, vetëdijësimi i konsumatorit dhe fushatat për bojkotim tyre
Eksperti i ekonomisë, Mustafë Kadrijaj, ka thënë se kjo rënie ka ardhur nga vetëdijësimi i konsumatorit dhe nga fushtatat për bojkotimin e produkteve serbe.
Mustafë Kadrijaj
“Vlerësoj që masat e marra më shumë kanë bërë zhurmë politke dhe diplomatike duke i shkaktuar më shumë dëme Kosovës në aspekt ndërkombetarë pa marrë parasysh që Kosova kishte të drejt si rezulatat i sjelljes aspak korrekte nga Serbia. Vlerësoj qe kjo rënie ka ardhur si rezultat i rritjes së vetëdijes tek konsumatori dhe fushatat për bojkotim të produkteve serbe, të cilat kanë pasur të dyja anët pozitve të medaljes së pari fuqizimi i prodhimit vendor si rezultat i bojkotit të produkteve me origjinë serbe dhe së dyti këto fushata me thirrje bojkoti nuk i kanë bërë dëme Kosovës në aspekt diplomatik”, sqaron ai.
Kadriaj gjithashtu ka bërë thirrje, që qytetarët të vetëdijësohen për të mos blerë produkte serbe, duke e pasur mundësinë për zgjidhje tjera.
“Bëj thirrje në vetëdijësim të qytetarit edhe më të madh duke minimzuar importin serb në Kosovë në vlera njëshifrore e them këtë sepse konsumutari kosovar ka mjaft zgjidhje pa i konsumuar produktet me origjine serbe”, përfundon ai.