"Angel Has Fallen" sjell më shumë aksion dhe eksplodime më të mëdha - Bota Sot
"Angel Has Fallen" sjell më shumë aksion dhe eksplodime më të mëdha

Filma

"Angel Has Fallen" sjell më shumë aksion dhe eksplodime më të mëdha

Më: 15 qershor 2019 Në ora: 19:33
"Angel Has Fallen"

Nga mesi i gushtit, Mike Banning kthehet në aksion dhe atë në detyrën më të vështirë deri më tani.

Ka mbërritur traileri i parë për “Angel Has Fallen”, i treti në franshizë (“Olympus Has Fallen” e kemi parë në vitin 2013, ndërsa “London has Fallen” në vitin 2016), në qendrën e të cilit është personazhi i Gerard Butler, Mike Banning. Pasi që në dy filmat e parë ai ishte pothuajse i vetmi i cili mund ta shpëtojë situatën, këtë herë gjithçka ka ndryshuar dhe Banning është në arrati për ta dëshmuar se nuk është fajtor për çfarë e akuzojnë.

Në trailerin më të ri mund të mësoni më shumë se si erdhi deri tek ngjarja në këtë film dhe pse Banning u bë armiku numër 1 i shtetit. Në trailer ka edhe më shumë aksion, shpërthime, dramë, gjithçka. Përmbledhja shkurtimisht thotë: Pas tentativës për vrasje të presidentit amerikan Allan Trumbull (rolin e të cilit e përsëritë Morgan Freeman), Banning është i dyshuari i parë. Policia e kap atë, por ai arrin të arratiset, duke u bërë një nga njerëzit më të kërkuar në botë. Dikur agjent i shërbimit sekret, ai duhet ta shmangë agjencinë e tij dhe disi të jetë një hap përpara FBI-së për ta zbuluar të vërtetën për kërcënimin ndaj presidentit dhe njëkohësisht ta largojë njollën nga emri i tij.

Regjinë e këtij vazhdimi e bën përsëri regjisori i ri Ric Roman Waugh (filmin e parë e bëri Antoine Fuqua, ndërsa të dytin Babak Najafi) i cili edhe e shkroi skenarin me Matt Cook. Në rolet e tjera paraqiten Jada Pinkett Smith, Lance Reddick, Tim Blake Nelson, Piper Perabo, Nick Nolte dhe Danny Huston.

“Angel Has Fallen” do të mbërrijë në kinematë amerikane nga 23 gushti.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...