Arrestohen tre persona në Gjakovë – ju konfiskohen 4 kilogram marihuanë

Kronikë

Arrestohen tre persona në Gjakovë – ju konfiskohen 4 kilogram marihuanë

Më: 23 dhjetor 2020 Në ora: 21:18
Ilustrim

Policia e Kosovës në Gjakovë ka arrestuar tre persona të dyshuar për shkak se ju është gjetur 4 kilogram që dysohet të jetë marihuanë.

Arrestimi i këtyre personave është bërë sot rreth orës 12:45 nga policia hetuese e Njësisë së Gjakovës.

“Arrestimi është bërë në rrugën ‘Xhemail Mustafa’ në Fushë Kosovë, në ora 12:45, kur hetuesit policorë nga Njësia e Gjakovës e DHTN-së e  mbështetur edhe nga Njësia e Prishtinës e DHTN-së, kanë ndërhyrë në bodrumin e një ndërtese duke zënë në flagrancë tre të dyshuarit duke bërë shkëmbimin e narkotikëve”, thuhet në njoftimin e policisë.

Policia ka bërë të ditur se njëri nga këta persona të arrestuar është shtetas i Shqipërisë.

“Nga policia janë arrestuar tre të dyshuarit: E.K., viti i lindjes 1963, mashkull, shtetas i Shqipërisë, D.E., viti i lindjes 1998, mashkull kosovar dhe F.Sh., viti i lindjes 1982, mashkull kosovar”, thuhet në njoftim.

Ndërsa, gjatë kontrollit në cilësi të provës materiale janë gjetur dhe konfiskuar: Njëzet e dy  (22) paketime/qese najloni që dyshohet të jetë mariuhanë me peshë rreth 4537 gram (4 kg e 537 gram), Një veturë, Para (2365 euro) dhe Tre (3) telefona.

Në lidhje me këto veprime është njoftuar prokurori kujdestar  i cili ka udhëzuar që të iniciohet rasti ‘blerja, posedimi, shitja ose shpërndarja e paautorizuar e narkotikeve, substancave psikotrope dhe analoge’.

Të dyshuarit, me aktvendim të prokurorit, ndalohen në ndalim policor për 48 orë. 

comment Për komente lëvizni më poshtë
Më të lexuarat
Sot mund të lexoni Shfletoni kopertinat