Dy grabitës arrestohen, kryen vjedhje të rënda në Mitrovicë dhe Vushtrri

Kronikë e zezë

Dy grabitës arrestohen, kryen vjedhje të rënda në Mitrovicë dhe Vushtrri

Më: 23 shkurt 2021 Në ora: 18:17
Foto ilustrim

Policia e Kosovës ka arrestuar dy të dyshuar, të cilët ishin bërë makth i qytetarëve duke kryer grabitje në rajonin e Mitrovicës dhe Vushtrrisë, ku dyshohet se kanë kryer disa vjedhje të rënda.

“Sot  në fshatin Babimovc, hetuesit policor të stacionit të Obiliqit,  kanë ndaluar dy persona të dyshuar për disa raste të grabitjeve dhe vjedhjeve të rënda”, ka bërë të ditur, zëdhënësja e Policisë së Kosovës për rajonin e Prishtinës, Flora Ahmeti.

Ahmeti ka vënë në dukje se menjëherë pas ndalimit, policia ka kryer verifikimet e nevojshme për të dyshuarit dhe të  dhënat kanë rezultuar se të njëjtit janë persona të shpallur në kërkim për raste të natyrës së njëjtë,  të ndodhura në rajonin e Mitrovicës.

Me këtë rast mbështetur në  të dhënat e verifikuara personat e dyshuar:

E.D ( mashkull) 25 vjeç dhe

E.Z.(mashkull) 20 vjeç,

janë arrestuar menjëherë nga ana e policisë, si dhe për ekzaminim është sekuestruar një veturë.

“Aktualisht personat e dyshuar po intervistohen nga hetuesit e rajonit të  Mitrovicës  dhe në koordinim me prokuronin e shtetit, janë duke ndërmarrë veprimet vijues hetimore e procedurale për rastet”, theksoi Ahmeti.

Këta dy persona dyshohet se kanë kryer edhe disa grabitje në zonën e qytetit të Obiliqit.

commentFirst article
Sot mund të lexoni Shfletoni kopertinat