I këputi këmbët qytetarit, arrestohet shoferi në Sarandë: Ishte i dehur

Kronikë e zezë

I këputi këmbët qytetarit, arrestohet shoferi në Sarandë: Ishte i dehur

Më: 20 tetor 2021 Në ora: 08:36
Ilustrim

Policia e Sarandës ka arrestuar shoferin, i cili shkaktoi aksidentin e rëndë mbrëmjen e djeshme në qytet. Uniformat blu bëjnë me dije se është prangosur L. M., 43 vjeç, banues në Ksamil.

Ky i fundit, mbrëmjen e djeshme duke drejtuar në gjëndje të dehur ka aksidentuar qytetarin A. K.

“L. M., 43 vjeç, banues në Ksamil, mbrëmjen e djeshme, në rrugën “Skenderbeu”, duke drejtuar automjetin në gjëndje të dehur ka aksidentuar shtetasin A. K, i cili është transportuar në spitalin e Traumës, Tiranë,” thuhet në njoftimin e policisë.

Siç, abcnes.al raportoi përplasja ishte tepër e fortë dhe qytetari ka humbur gjymtyrët. Personi që mbeti i plagosur kishte parkuar makinën e tij dhe teksa fuste në bagazh disa kova me bojë u përplas nga makina me targa “AB067PJ”, që drejtohej nga L. M.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat