Një këmbësor ka marrë lëndime trupore, pasi i njëjti sot pasdite është goditur nga një veturë në rrugën magjistrale Prishtinë – Podujevë, në fshatin Sekiraqë.
Aksidentin e ka konfirmuar zëdhënësja e Policisë për Rajonin e Prishtinës, Flora Ahmeti.
“Sot rreth orës 17:00, në rrugën Podujevë-Prishtinë (në fshatin Sekiraqë) ka ndodhur një aksident i komunikacionit rrugor në mes të një automjeti dhe një këmbësori. Si pasojë e aksidentit këmbësori, ka pësuar lëndime dhe i njëjti është dërguar për trajtim mjekësor”, ka thënë Ahmeti.
Në vendin e ngjarës kanë dalë hetuesit e trafikut rajonal, të cilët janë duke hetuar shkaqet e aksidentit.
