Policia sekuestron në Prishtinë pajisje që prodhojnë kriptovaluta

Kronikë e zezë

Policia sekuestron në Prishtinë pajisje që prodhojnë kriptovaluta

Më: 21 janar 2022 Në ora: 16:39
Policia sekuestron në Prishtinë pajisje që prodhojnë kriptovaluta

Policia e Kosovës po vazhdon me gjetjen dhe sekuestrimin e aparateve për prodhimin e kriptovalutave.

Bashkë me Doganën e Kosovës, PK-ja sot ka realizuar një operacion bastisjeje në Prishtinë, i cili ka rezultuar me gjetjen dhe sekuestrimin e një numri të madh të aparaturave për prodhimin e kriptovalutave.

“Policia e Kosovës respektivisht Drejtoria Rajonale e Policisë së Prishtinës, në vazhdimësi ka qenë në nivelin më të lartë të përgjegjësive që ka, shtuar këtu edhe asistimet dhe angazhimet për mbështetjen e institucioneve dhe mekanizmave të tjerë për të ushtruar të papenguar dhe plotësisht kompetencën e tyre. Në kuadër të këtyre aktiviteteve policia sot ka asistuar Doganën e Kosovës, me ç ‘rast pas marrjes së autorizimit nga ana e gjyqtarit të procedurës paraprake, ka realizuar një operacion bastisje i cili ka rezultuar me gjetjen dhe sekuestrimin e një numri të madh të aparaturave për prodhimin e kriptovalutave’”, thuhet në njoftimin e Policisë.

Tutje, në njoftimm theksohet se operacioni është realizuar në një lagje të Prishtinës, ndërkohë që zyrtarët doganorë kanë proceduar më tej me rastin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat