Një tentim grabitje e armatosur ka ndodhur mbrëmë në një dyqan në afërsi të parkut Karagaç të Pejës.
Lajmin e ka konfirmuar zëdhënësi i policisë për rajonin e Pejës, Fadil Gashi.
Gashi ka thënë se ngjarja ka ndodhur rreth orës 20:50.
“Sipas dëshmitarëve tre persona kanë tentuar të kryejnë grabitje në një dyqan, por të njëjtit nuk kanë arritur. Lëndime të lehta ka pësuar një punëtore e dyqanit si pasojë e thyerjes së derës”, ka thënë Gashi.
Ai ka shtuar se personat e dyshuar janë larguar nga vendi i ngjarjes, ndërkaq policia është vënë në kërkim të tyre dhe rasti është duke u hetuar.
