Rreth orës 22:40, në autostradën “Ibrahim Rugova” në segmentin rrugorë Mazgit-Veternik ka ndodhur një aksident trafiku.
Rastin e ka konfirmuar Daut Hoxha, zëdhënës i Policisë së Kosovës.
Ai ka bërë të ditur se si pasoj e aksidentit dy persona kanë vdekur dhe tre të tjerë kanë pësuar lëndime.
Në vendin e ngjarjes kanë dalë të gjitha njësitë relevante policore, zjarrfiksat dhe ekipi mjekësor.
Tutje Hoxha ka thënë se është njoftuar prokurori dhe njësitet kompetente policore jane duke kryer hetimet lidhur me shkaktarët e këtij aksidenti tragjik për ndërmarrjen e masave ligjore.
“Ne ne vazhdimësi kemi kërkuar dhe po kërkojmë respektimin e rregullave dhe shenjave të trafikut, në veçanti ato të kufizimit të shpejtësisë, po ndërmerren masa aktive ligjore nga Policia me qellim që të shmangen aksidente të tilla tragjike me humbje të jetëve njerzore”, ka thënë ai.
