Tri raste të dhunës në familje në 24 orë

Kronikë e zezë

Tri raste të dhunës në familje në 24 orë

Më: 7 prill 2022 Në ora: 08:42
Foto ilustrim

Policia e Kosovës ka bërë të ditur për tri raste të dhunës në familje në 24 orë.

Rastet e dhunës kanë ndodhur në Prishtinë, Prizren e Klinë.

Prishtinë, 06.04.2022 – 00:50. Viktima femër kosovare ka njoftuar se bashkëshorti i saj i dyshuari mashkull kosovar, në vazhdimësi është duke shkaktuar dhunë fizike dhe psikike ndaj saj. Palët janë intervistuar dhe me vendim të prokurorit, i dyshuari është arrestuar dhe dërguar në mbajtje.

Prizren, 06.04.2022 – 12:00. Viktima mashkull kosovar ka njoftuar se pas një mosmarrëveshje verbale, është sulmuar fizikisht nga djali i tij i dyshuari mashkull kosovar. Rasti është duke u hetuar nga njësitë relevante.

Klinë, 06.04.2022 – 23:00. Është arrestuar i dyshuari mashkull kosovar, pasi që në gjendje të dehur ka shkaktuar dhunë ndaj bashkëshortes së tij viktimës femër kosovare. Me vendim të prokurorit, i dyshuari është dërguar në mbajtje. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat