Janë duke vazhduar vjedhje e rënda nëpër disa fshatra të Komunës së Podujevës.
Pas fshatit Peran, një tjetër vjedhje ka ndodhur në fshatin Baçinë të kësaj Komune. Por, përkundër dallimit të fshatit, vjedhja ka qenë e njëjtë.
“Fsh. Bajqine, Podujevë, 06.04.2022 – 21:27. Ankuesi mashkull kosovar ka njoftuar se persona të pa njohur kanë depërtuar në shtëpinë e tij dhe kanë vjedhur para të gatshme dhe stoli ari”, ka njoftuar Policia e Kosovës në raportin e saj ditor.
Pa dhënë detaje tjera, rasti në Policinë e Kosovës është cilësuar si vjedhje e rëndë, ndërkohë që i njëjti po vijon të hetohet nga organet e rendit.