Gjeneronin kriptomonedha, vihet në pranga një person, në kërkim pronari 21-vjeçar i pajisjeve

Kronikë e zezë

Gjeneronin kriptomonedha, vihet në pranga një person, në kërkim pronari 21-vjeçar i pajisjeve

Më: 27 maj 2022 Në ora: 15:47
Ilustrim

Përmes operacionit policor të koduar “Avalon”, janë sekuestruar 16 paisje elektronike që shërbenin për gjenerimin e kriptomonedhave virtuale, me lidhje të paligjshme të energjisë elektrike. 

Si rezultat i operacionit është shpallur në kërkim poseduesi i pajisjeve 21-vjeçari Jetmir Mehja dhe është vënë në pranga bashkëpunëtori i tij 43 vjeçari Elvis Mehja.

Gjithashtu Fatjon Bengu punonjës i OSHEE është proceduar në gjendje të lirë, për shpërdorim detyre.

Operacioni u zhvillua nga Seksioni për Hetimin e Krimit Ekonomik dhe Financiar në DVP Shkodër, në bashkëpunim me Njësinë "C" në Drejtorinë Hetimore në Departamentin e Policisë Kriminale, në Drejtorinë e Përgjithshme të Policisë së Shtetit. 

Materialet iu referuan Prokurorisë së Rrethit Gjyqësor Shkodër, për veprime të mëtejshme.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat