Skenderaj, arrestohet një person për një rast tjetër për të shtëna me armë zjarri

Kronikë e zezë

Skenderaj, arrestohet një person për një rast tjetër për të shtëna me armë zjarri

Më: 4 korrik 2022 Në ora: 17:01
Foto ilustrim

Sot pas mesnatës ka ndodhur një rast me të shtëna me armë zjarri në fshatin Prekaz i Epërm.

Lidhur me rastin është arrestuar një person me inicialet A.J, 31 vjeçar.

Kështu tha zëdhënësja e policisë për rajonin e Mitrovicës, Fexhrije Pllana.

Pllana tha se në vendin e ngjarjes është konfiskuar një armë dhe tetë gëzhoja.

Ajo theksoi se tq shtënat kanë ndodhur nga makina derisa ishte në lëvizje.

Sot me datë 04.07.2022, rreth orës 01:30 është raportuar se ka qenë një automjet në lëvizje është sulmuar me armë zjarri nga perona të panjohur.

Pas një pune policore është arritur të identifikohet dhe të arrestohet personi i dyshuar A.J, 31 vjeçar, ku si provë materiale është konfiskuar një armë, një karikator dhe 8 gëzhoja. Me urdhër të prokurorit të dyshuarit në fjalë i është caktuar masa e ndalimit policor për 48 orë dhe ndaj tij është iniciuar rasti “Vrasje në tentativë”.

Derisa të shtunën rreth mesnatës në Skenderaj, janë plagosur dy policë.

Njëri nga ta ka marrë plagë në këmbë nga arma e zjarrit, derisa tjetri ka marrë lëndime në kokë nga mjetet e forta.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat