Parandalohet një rast i kontrabandës me emigrantë në Vërmicë, ishin futur në autoambulancë

Kronikë e zezë

Parandalohet një rast i kontrabandës me emigrantë në Vërmicë, ishin futur në autoambulancë

Më: 5 korrik 2022 Në ora: 12:45
Foto ilustrim

Policia e Kosovës ka parandaluar një rast të kontrabandës me emigrantë, në Vërmicë.

Në njoftimin e Policisë bëhet e ditur se gjashtë emigrantë janë hasur në një ambulancë.

“Sot, më 05.07.2022 rreth orës 05:30, patrulla policore nga Stacioni Policor për Mbikëqyrjen e Kufirit Vërmicë, ka ndaluar një automjet, (auto-ambulancë) me targa vendore dhe gjatë kontrollimit, në automjet janë hasur gjashtë emigrantë ilegal (tre shtetas Sirian dhe tre shtetas nga Bangladeshi). I dyshuari mashkull, shtetas kosovar, i moshës 45 vjeçare është ndaluar dhe për këtë rast është njoftuar prokurori kujdestar i PTH Prizren”, thuhet në njoftim.

Rasti do të trajtohet nga njësitet relevante policore dhe emigrantët do të trajtohen në bazë të procedurave.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat