Mbrëmjen e sotme Policia e Kosovës ka pranuar informata për shpërthim të mundshëm në Kompleksin e Universitetit “Hasan Prishtina” në Prishtinë.
Zëdhënësja e Policisë për Rajonin e Prishtinës, Flora Ahmeti tha pëse rreth orës 19:30 është pranuar informata për dyshimet që ndërlidhen me një shpërthim të mundshëm në Kompleksin e Universitetit “Hasan Prishtina” në Prishtinë.
"Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën", tha ajo për RTKlive.
Ndryshe, kjo nuk është hera e parë që alarmohet për mjete shpërthyese gjatë muajve të fundit.
Për fat të mirë ato kanë rezultuar të rrejshme.
