Policia jep detaje për rastin në Gjilan, si vdiq një person derisa po ngarkonte dru në traktor

Kronikë e zezë

Policia jep detaje për rastin në Gjilan, si vdiq një person derisa po ngarkonte dru në traktor

Më: 10 gusht 2022 Në ora: 08:43
Foto ilustrim

Një person ka humbur jetën derisa ishte duke ngarkuar dru në traktor, të martën rreth orës 16 e 45, në fshatin Burincë të Gjilanit, kur një lis, ra mbi të duke i shkaktuar lëndime vdekjeprurëse.

Sipas policisë, vdekjen e viktimës e ka konstatuar ekipi mjekësor në vendin e ngjarjes.

Me vendim të prokurorit trupi i pajetë është dërguar për obduksion.

“Është raportuar se viktima mashkull  kosovar derisa ka qenë duke ngarkuar dru në rimorkion e traktorit, si pasojë e erës së fortë është rrëzuar një dru me ç’rast e ka goditur viktimën duke i shkaktuar lëndime vdekjeprurëse”, thuhet në raportin 24-orësh të policisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat