Përfitoi 60 mijë euro nga organizimi i bixhozit, kërkohet paraburgim për gjakovarin

Kronikë e zezë

Përfitoi 60 mijë euro nga organizimi i bixhozit, kërkohet paraburgim për gjakovarin

Më: 10 gusht 2022 Në ora: 16:28
Foto ilustrim

Prokuroria Themelore në Gjakovë ka kërkuar caktimin e masës së paraburgimit nga gjykata ndaj të pandehurit F.M., për veprat penale “Organizimi i skemave piramidale dhe bixhozit të paligjshëm”, si dhe “Mbajtja në pronësi, kontroll ose posedim të paautorizuar të armëve”.

I pandehuri F.M., nga data e pavërtetuar e deri më 02 gusht 2022, në një kafene në Gjakovë, me qëllim të përfitimit të kundërligjshëm të dobisë pasurore për vete dhe duke vepruar në kundërshtim me Ligjin për Ndalimin e Lojërave të Fatit, organizon dhe merr pjesë në zhvillimin e veprimtarisë së lojërave të fatit – baste sportive, ku nga bastet e luajtura nga Sh. H., i pandehuri përfiton para në shumën prej 60.000 (gjashtëdhjetë mijë) euro.

Gjithashtu, i pandehuri F.M., më parë e deri më 09 gusht 2022, pa autorizim, ka mbajtur armë dhe municion në kundërshtim me ligjin e zbatueshëm lidhur me armët, ku të njëjtat i janë konfiskuar nga ana e policisë.

Prokurori i rastit, ndaj të pandehurit F.M., ka kërkuar masën e paraburgimit në afat prej 30 ditësh.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat