Policia në Vërmicë e identifikon një veturë të falsifikuar

Kronikë e zezë

Policia në Vërmicë e identifikon një veturë të falsifikuar

Më: 10 gusht 2022 Në ora: 16:54
Foto ilustrim

Policia e Kosovës sot e ka identifikuar një veturë të falsifikuar në pikën kufitare në Vermicë.

Lidhur me rastin është njoftuar prokurori i cili ka udhëzuar që rasti të trajtohet në procedurë të rregullt, ndërsa lënda për hetim i dorëzohet njësitit së auto krimeve për hetime dhe procedim të mëtejmë.

“Policia e Kosovës, konkretisht Stacioni Policor Kufitar – Vërmicë sot rreth orës 15:00, gjatë kryerjes së detyrave të rregullta në hyrjen nga Shqipëria për në Kosovë ka ndaluar një veturë të tipit Audi A3, me targa të Shqipërisë me drejtues D.K viti i lindjes 1989 shtetas i Shqipërisë”.

“Vetura është përzgjedhur për kontroll në vijën e dytë për kontroll më të detajuar”.

“Policia e Kosovës në bashkëpunim me Policinë e FRONTEX, të cilët janë me mision në PKK Vërmicë, kanë bërë verifikimin më të detajuar të automjetit dhe pas verifikimeve të kryera, ka rezultuar se ka ndërhyrje tek numri identifikues i veturës dhe dyshohet se janë bërë  ndërhyrje mekanike në numrin e sasisë së automjetit, si rrjedhojë vetura dyshohet të jetë e falsifikuar”.

“Lidhur me rastin është njoftuar prokurori i cili ka udhëzuar që rasti të trajtohet në procedurë të rregullt, ndërsa lënda për hetim i dorëzohet njësitit së auto krimeve për hetime dhe procedim të mëtejmë”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat