Tre persona kanë marrë lëndime si pasojë e një aksidenti rrugor që ka ndodhur sot në autostradën që lidh lagjen Veternik të Prishtinës me Fushë-Kosovën.
Bajram Krasniqi, zëdhënës i Policisë në rajonin e Prishtinës, ka bërë të ditur për KP se aksidenti ka ndodhur rreth orës 14:25.
“Aksidenti ka ndodhur në autostradën në segmentin Veternik-Bresje. Në aksident janë përfshirë tri vetura dhe si pasojë e aksidentit tre persona kanë kërkuar ndihmë mjekësore”, ka thënë ai.
Njësitet policore relevante janë marrë me aksidentin.