Policia ka arrestuar një të dyshuar në Fushë Kosovë pasi i janë gjetur disa fotografi dhe video me përmbajtjeje abuzive seksuale të fëmijëve.
I dyshuari këto materiale i ka shpërndarë te personat tjerë përmes rrjeteve sociale.
Me vendim të prokurorit i dyshuari është dërguar në mbajtje.
Rasti është inicuar si keqpërdorim i fëmijëve në pornografi.
“Fushë Kosovë (NN) 27.09.2022 – 13:00. Pas veprimeve hetimore të Policisë është identifikuar dhe arrestuar i dyshuari mashkull kosovar pasi te ai janë gjetur në posedim disa fotografi dhe video me përmbajtjeje abuzive seksuale të fëmijëve, pastaj këto materiale i dyshuari i ka shpërndarë te personat e tjerë përmes rrjeteve sociale. Me vendim të prokurorit i dyshuari është dërguar në mbajtje”, njofton policia.
