Është raportuar për një rrahje në mes të disa personave dhe të shtëna me armë zjarri të dielën në Deçan.
Njësitë policore kanë dalë në vendin e ngjarjes ku kanë gjetur dhe konfiskuar 2 gëzhoja të armës së zjarrit.
Sipas raportit të policisë, në lidhje me rastin një person është arrestuar, ku nga i njëjti janë konfiskuar dy armë zjarri dhe 50 copë fishekë.
Policia ka bërë të ditur se nuk është raportuar për të lënduar.
“Deçan/09.06.2024-23:00 Është pranuar informata për një rrahje në mes të disa personave dhe për të shtëna me armë zjarri. Njësitë policore në vendin e ngjarjes kanë gjetur dhe konfiskuar 2 gëzhoja të armës së zjarrit. Në lidhje me rastin është arrestuar një i dyshuar mashkull kosovar, ku nga i dyshuari janë konfiskuar dy armë zjarri dhe 50 copë fishekë. Nuk raportohet për të lënduar. Me vendim të prokurorit i dyshuari është dërguar në mbajtje”, thuhet në raport.
