Konfirmohet vdekja e këmbësorit pasi u godit nga vetura në Bresje
Një aksident tragjik ka ndodhur mbrëmjen e sotme rreth orës 21:00 në rrugën Prishtinë–Pejë, në afërsi të semaforëve në fshatin Bresje, Fushë Kosovë, ku një person është goditur për vdekje.
Rastin e ka konfirmuar zëdhënësi i policisë Daut Hoxha.
Për shkak të hetimeve rruga është mbyllur përkohësisht për qarkullim.
“Rruga Prishtinë- Pejë është mbyllur përkohësisht, përderisa hetimet lidhur me rastin janë në proces nga njesitet kompetente policore”, tha ai.
Një këmbësor dyshohet se ka humbur jetën si pasojë e një aksidenti në Fushë Kosovë, pak minuta më parë.
Ekipet hetimore ndodhen tashmë në vendngjarje për të zbardhur rrethanat e rastit.
Policia ende nuk ka dhënë një deklaratë zyrtare.