Një rast i rëndë ka ndodhur sot në Prishtinë, ku një person ka kërcyer nga kati i dytë i një objekti. Viktima dyshohet se është përdorues i substancave narkotike dhe për rastin tashmë kanë nisur hetimet, por fatmirësisht ka shpëtuar.
Burimet e sinjalit bëjnë me dije se bëhet fjalë për Andi Rexhepin, i cili dyshohet se është përdorues i substancave narkotike.
Për shkak të gjendjes së tij, ai ka ndërmarrë këtë veprim të rrezikshëm dhe ka përfunduar në emergjencë për trajtim mjekësor.
Si pasojë e kërcimit, Rexhepi ka thyer këmbën, ndërsa gjatë trajtimit nga stafi mjekësor ka shkaktuar probleme dhe ka shfaqur sjellje të papërshtatshme ndaj tyre.
